துபாய் மலாய்

தேவையான பொருட்கள்:

பால் பவுடர் 1 கப்
முட்டை வெள்ளை கரு 2/3
பால் 1 லிட்டர்
சர்க்கரை 1/2 கப்
முந்திரி, பாதாம் 1 கையளவு

செய்முறை:

1. ஒரு பாத்திரத்தில் பால் பவுடர் எடுத்து அதில் முட்டை வெள்ளைக் கரு சேர்த்து நன்றாக பிசைந்து வைக்கவும். பிறகு அதை சிறு சிறு உருண்டைகளாக உருட்டி வைத்துக் கொள்ள வேண்டும்.
2. அதே நேரம் அடுப்பில் ஒரு பாத்திரத்தில் பால் ஊற்றி வைக்கவும். ரஸ் மலாய் செய்வது போல, பால் ஆடையை பாத்திரத்தின் ஓரமாக ஒதுக்கி கொண்டு இருக்க வேண்டும்.
3. பால் நன்கு மூன்றில் ஒரு பங்காய் வற்றிய பின் சர்க்கரையை சேர்த்து கிளறவும்.
4. அதில் உருட்டி வைத்துள்ள உருண்டைகளை சேர்த்து, பாத்திரத்தை மூடி வைத்து வேக விடவும். அடுப்பை மிதமான தீயில் வைத்து விட வேண்டும்.
5. அந்த உருண்டைகள் நன்றாக வெந்ததும், முந்திரி பாதாம் பருப்புகளை நெய்யில் வறுத்து அதில் சேர்த்து அடுப்பை அணைத்து விடவும்.
6. இவ்வினிப்பை குளிர்சியாக பரிமாறினால் மிகவும் நன்றாக இருக்கும்.